ပြည်ထောင်စုရာထူးဝန်အဖွဲ့၏ဆောင်ပုဒ်/ မူဝါဒ/ မျှော်မှန်းချက်/ ရည်မှန်းချက်/ ဦးတည်ချက်
ပြည်ထောင်စုရာထူးဝန်အဖွဲ့၏ ဆောင်ပုဒ်
“ဝန်ထမ်းကောင်းမှ နိုင်ငံကောင်းမည်”
ပြည်ထောင်စုရာထူးဝန်အဖွဲ့၏ မူဝါဒ
ပြည်ထောင်စုရာထူးဝန်အဖွဲ့သည် ဖွဲ့စည်းပုံအခြေခံဥပဒေပုဒ်မ ၂၄၆ အရ အပ်နှင်းထားသော တာဝန်များကို အောက်ပါမူဝါဒများအပေါ် အခြေခံဆောင်ရွက်ရမည်-
(က) ဖွဲ့စည်းပုံအခြေခံဥပဒေနှင့် ညီညွတ်မှုရှိရမည်။
( ခ) အားလုံးပါဝင်ရမည်။
( ဂ) မျှတမှုရှိရမည်။
(ဃ) ပွင့်လင်းမြင်သာမှုရှိရမည်။
( င) နိုင်ငံသားအကျိုးဦးတည်ရှေးရှုရမည်။
( စ) သစ္စာရှိရမည်။
ပြည်ထောင်စုရာထူးဝန်အဖွဲ့၏ မျှော်မှန်းချက်
“နိုင်ငံတော်နှင့် နိုင်ငံသားတို့၏ အကျိုးစီးပွားကို ရှေးရှု၍ ကဏ္ဍအလိုက်၊ အဆင့်အလိုက် တာဝန်ယူရသော လုပ်ငန်းများအား တာဝန်ယူမှု၊ တာဝန်ခံမှုဖြင့် ပေါင်းစပ်ညှိနှိုင်းဆောင်ရွက်နိုင်သော ဝန်ထမ်းအဖွဲ့အစည်းဖြစ်စေရေး”
ပြည်ထောင်စုရာထူးဝန်အဖွဲ့၏ ရည်မှန်းချက်
(၁) အရည်အချင်းပြည့်ဝသော ပြန်တမ်းဝင်အရာရှိများ ရွေးချယ်ပေးရန်၊
(၂) နိုင်ငံ့ဝန်ထမ်းများ စွမ်းရည်ထက်မြက်အောင် လေ့ကျင့်ပေးရန်၊
(၃) ဝန်ထမ်းကောင်းများဖြစ်စေရေး နိုင်ငံ့ဝန်ထမ်းဥပဒေ၊ နည်းဥပဒေများနှင့်အညီ ထိန်းကျောင်းပေးရန်၊
(၄) နိုင်ငံ့ဝန်ထမ်းအားလုံးအတွက် အကျုံးဝင်သော မှတ်တမ်းစနစ် တည်ဆောက်ထိန်းသိမ်းရန်၊
ပြည်ထောင်စုရာထူးဝန်အဖွဲ့၏ ဦးတည်ချက်
(၁) နိုင်ငံတော်ရှိ ဝန်ထမ်းများအားလုံး ဝန်ထမ်းအဖွဲ့အစည်းအလိုက်၊ ကဏ္ဍအလိုက်၊ ဖွဲ့စည်းပုံပါ တာဝန်များ၊ ရည်မှန်းချက်များကို နည်းစနစ်မှန်ကန်စွာဖြင့် စည်းကမ်းတကျ တာဝန်ထမ်းဆောင် လုပ်ကိုင်နိုင်စေရန်၊
(၂) နိုင်ငံ့ဝန်ထမ်းများကို အနာဂတ်ဝန်ထမ်းအဖွဲ့အစည်းများ၏ ဝန်ထမ်းကောင်းများ၊ ခေါင်းဆောင်ကောင်းများ ဖြစ်လာစေရေး လေ့ကျင့်သင်ကြားပေးရန်၊
(၃) နိုင်ငံ့ဝန်ထမ်းများသည် အစိုးရအဖွဲ့များ၊ နိုင်ငံရေးအခြေအနေများ မည်သို့ပြောင်းလဲစေကာမူ စိတ်ဓာတ်ခံယူချက် မြင့်မားခိုင်ခံ့ပြီး ထမ်းဆောင်ရမည့်တာဝန်များကို ဦးတည်ကြိုးပမ်းဆောင်ရွက်နိုင်စေရန်၊
(၄) နိုင်ငံရေးအရ မည်သို့ပင်ပြောင်းလဲစေကာမူ အစိုးရယန္တရားတစ်ခုလုံး ရပ်တန့်မသွားအောင် တာဝန်ယူနိုင်သည့် နိုင်ငံ့ဝန်ထမ်းများဖြစ်အောင် လေ့ကျင့်သင်ကြားပေးရန်၊
(၅) နိုင်ငံတော်နှင့် ပြည်သူ၊ ပြည်သားများ၏ အကျိုးအတွက်အစိုးရ၏ မူဝါဒများကို အဓိက အကောင်အထည်ဖော်သူများ ဖြစ်လာရေး ပုံဖော်လေ့ကျင့်ပေးရန်၊
(၆) နိုင်ငံ့ဝန်ထမ်းများအနေဖြင့် စောင့်ထိန်းရမည့် ကျင့်ဝတ်၊ လိုက်နာရမည့်ဥပဒေ၊ နည်းဥပဒေနှင့် စည်းကမ်းများကို အထူးအလေးထား လိုက်နာတတ်သူများဖြစ်စေရေး လေ့ကျင့်သင်ကြားပေးရန်၊