စီမံခန့်ခွဲရေးဌာနခွဲ၏ လုပ်ငန်းတာဝန်များ
ဌာနခွဲ (၁)၊ စီမံခန့်ခွဲရေးဌာနခွဲ၏ လုပ်ငန်းတာဝန်များမှာ အောက်ပါအတိုင်းဖြစ်ပါသည်-
| (က) | ဦးစီးဌာန၏ လုပ်ငန်းတာဝန်များကို အောင်မြင်စွာအကောင်အထည်ဖော်ဆောင်ရွက်နိုင်ရေးအတွက် လိုအပ်သည်များကို ထောက်ပံ့ကူညီပေးခြင်း၊ |
| (ခ) | ဦးစီးဌာနရှိ ဝန်ထမ်းများရာထူးတိုးမြှင့်ရေး၊ စည်းကမ်းထိန်းသိမ်းရေး၊ သက်သာချောင်ချိရေးစသည့် ဝန်ထမ်းရေးရာနှင့် အုပ်ချုပ်မှုပိုင်းဆိုင်ရာကိစ္စရပ်များကို လမ်းညွှန်မှုနှင့်အညီ ကြီးကြပ်ဆောင်ရွက်ပေးခြင်း၊ |
| (ဂ) | ဦးစီးဌာနပိုင် ရုံးသုံးပရိဘောဂများ၊ စက်ကိရိယာများ၊ မော်တော်ယာဉ်များကို စနစ်တကျကိုင်တွယ်သုံးစွဲရေး၊ စီမံခန့်ခွဲရေးနှင့် ရုံးအဆောက်အဦလုံခြုံရေး၊ ပြုပြင်ထိန်းသိမ်းရေးကိစ္စများကို ဆောင်ရွက်ခြင်း၊ စာရေးကိရိယာများ စနစ်တကျသုံးစွဲစေခြင်း၊ |
| (ဃ) | ဦးစီးဌာနရှိ လူပုဂ္ဂိုလ်လုံခြုံရေး၊ စာရွက်စာတမ်းလုံခြုံရေး၊ ကွန်ပျူတာဆက်စပ်ပစ္စည်းများနှင့် ကွန်ရက်များလုံခြုံရေးတို့ကို စနစ်တကျရှိစေရန် လမ်းညွှန်ချက်နှင့်အညီဆောင်ရွက်ခြင်း၊ |
| (င) | ဦးစီးဌာနရှိ ဝန်ထမ်းအင်အား ခန့်ထားခြင်း၊ ပြောင်းရွှေ့ခြင်းနှင့် နုတ်ထွက်ခြင်းဆိုင်ရာကိစ္စရပ်များအား လမ်းညွှန်မှုနှင့်အညီဆောင်ရွက်ခြင်း၊ |
| (စ) | ဦးစီးဌာနရှိ ဝန်ထမ်းများ၏ကိုယ်ရေးမှတ်တမ်း (Service Books) များကို လက်ရှိအခြေအနေနှင့်ကိုက်ညီအောင်ပြုစုခြင်း၊ စနစ်တကျထိန်းသိမ်းခြင်း၊ |
| (ဆ) | ဦးစီးဌာန၏ နှစ်စဉ်သာမန်အသုံးစရိတ်၊ ငွေလုံးငွေရင်းအသုံးစရိတ်နှင့် ဝန်ထမ်းအင်အားစာရင်းများကိုရေးဆွဲ၍ သက်ဆိုင်ရာအဖွဲ့အစည်းများသို့ တင်ပြခြင်း၊ |
| (ဇ) | အရအသုံးဆိုင်ရာငွေစာရင်းများကို စနစ်တကျထားရှိ၍ ဘဏ္ဍာငွေခွဲဝေသုံးစွဲရေးကိစ္စများကို ရသုံးမှန်းခြေငွေစာရင်းဦးစီးဌာန၊ စာရင်းစစ်ချုပ်ရုံးစသည့် သက်ဆိုင်ရာအဖွဲ့အစည်းများနှင့်ညှိနှိုင်းဆောင်ရွက်ခြင်း၊ |
| (စျ) | နိုင်ငံ့ဝန်ထမ်းများနှင့်သက်ဆိုင်သည့် အစည်းအဝေးများ၊ တွေ့ဆုံဆွေးနွေးပွဲများနှင့် ပညာပေးသင်တန်းများပြုလုပ်ရာတွင် အထောက်အကူပြုခြင်း၊ |
| (ည) | အဖွဲ့၏လမ်းညွှန်မှုကိုခံယူလျက် ဝန်ထမ်းများ၏ အရည်အချင်းတိုးတက်မြင့်မားရေးအတွက် ပြည်တွင်းပြည်ပသင်တန်းများ၊ ဆွေးနွေးပွဲများသို့ တက်ရောက်နိုင်ရေး၊ လေ့လာရေးခရီးစေလွှတ်ရေးတို့အတွက် ဆောင်ရွက်ပေးခြင်း၊ |
| (ဋ) | အထက်ဌာန / အဖွဲ့အစည်းများမှအခါအားလျော်စွာ ထုတ်ပြန်ထားရှိသည့် အမိန့်၊ ညွှန်ကြားချက်များအားစနစ်တကျ လိုက်နာအကောင်အထည်ဖော်ဆောင်ရွက်နိုင်ရေး ကြီးကြပ်ကွပ်ကဲခြင်း၊ |
| ( ဌ ) | ဦးစီးဌာနနှင့်သက်ဆိုင်သည့် ရုံးခန်းများနှင့် ဝန်ထမ်းအိမ်ရာရှိ လူနေတိုက်ခန်းများ လုံခြုံရေး၊ သန့်ရှင်းသာယာရေးနှင့် စည်းကမ်းထိန်းသိမ်းရေးတို့ကို လမ်းညွှန်မှုနှင့်အညီ အကောင်အထည်ဖော်ဆောင်ရွက်ခြင်း၊ |
| ( ဍ ) | ပြည်ထောင်စုရာထူးဝန်အဖွဲ့ စာကြည့်တိုက်နှင့်မော်ကွန်းတိုက်ဆိုင်ရာလုပ်ငန်းများကို ကြီးကြပ်ဆောင်ရွက်ခြင်းနှင့် စာအုပ်၊ စာတမ်းများ၊ မှတ်တမ်းများကို ထိန်းသိမ်းခြင်း။ |